أفاد التقرير السنوي التاسع عشر لبنك المغرب حول الإشراف البنكي، باللي عدد البطاقات البنكية المتداولة في عام 2022 وصل ل18,9 مليون بطاقة، بارتفاع نسبتها 5,4 فالمية مقارنة بعام 2021.
ووضّح التقرير، اللي كيرصد نِتَاج أنشطة بنك المغرب في مجال الإشراف البنكي، أن أغلب هاد البطاقات تسعمل في عمليات سحب الأموال واللي كتمثل 88 فالمية، مقابل 89 فالمية برسم سنة 2021.
كيفما أشار نفس المصدر، لارتفاع عدد الحسابات البنكية اللي تم فتحها بنسبة 8,4 فالمية باش يوصل المجموع ل33,9 مليون حساب.
وطلع عدد الأفراد المقيمين اللي عندهم حساب بنكي واحد على الأقل بنسبة 1,8 فالمية، مقابل 0,6 فالمية عام 2021، باش يوصل المجموع ل14,5 مليون حساب. واستقر معدل امتلاك الحسابات البنكية في سنة 2022 عند 53 فالمية.
ووفق النوع الاجتماعي، وصل عدد الرجال اللي عندهم حساب واحد على الأقل 8,8 مليون في نهاية سنة 2022، في حين وصل عدد النساء اللي كيتوفّرو على حساب واحد على الأقل 5,7 مليون إمرأة.
وفيما يخصّ حسابات الأداء، أورد بنك المغرب بأنه استنادا للمعطيات المزوّدة عند 14 مؤسسة أداء، فإن عدد حسابات الأداء اللي تم فتحها وصل 6,9 مليون حساب.
ونوّه البنك المركزي باللي هاد الحسابات كتّوزع بين حسابات من المستوى اللول بنسبة 48 فالمية، وحسابات من المستوى الثاني بنسبة 37 فالمية، وحسابات من المستوى الثالث بنسبة 13 فالمية، مسجلا أن 696 ألف حساب أداء يعتبر حساب نشيط، أي ما يعادل 10,2 فالمية مقابل 8,4 فالمية من الحسابات المفتوحة عند انتهاء سنة 2021.
من جانب أخر، كيسمرّو مؤسستان معنيتان بتقديم خدمة الاقتناء تزويد التجار بأجهزة الدفع الإلكترونية (TPE)، وبهادا وصل إجمالي عدد هاد الأجهزة ل72 ألف و764 جهاز، 81 فالمية منها نشطة، مقابل 73 فالمية سنة 2021. ووصل عدد أجهزة الدفع الإلكترونية اللي كتقبل الأداء عبر الهاتف المحمول (Mobile-Wallet) ما مجموعه 7 آلاف و327 جهاز مقابل 7 آلاف و53 عام 2021.
