تنفيذا للتعليمات الملكية، بدات السلطات العمومية كتفعل البرنامج الاستعجالي لإعادة إيواء المتضررين والتكفل بالفئات اللي تضررات بزاف من زلزال الحوز، معبئة كافة الوسائل بالسرعة والنجاعة اللازمتين.
وفهاد الإطار، فإن لجنة وطنية كتمثل جميع القطاعات المعنية عقدات اجتماعاتها بالرباط، وغتنتقل خلال الساعات المقبلة باش تعقد اجتماعات أخرى مع مسؤولي العمالات والأقاليم المعنية بالزلزال.
و غيتم تشكيل لجان محلية، غتقوم ابتداء من يوم الإثنين المقبل بزيارات ميدانية إلى المناطق المتضررة باش تحدد تحصر السكان المتضررين والمساكن اللي انهارت بشكل تام أو جزئي، باش تمنحهم المساعدات المالية المباشرة للأسر والمواطنين المتضررين في أقرب الآجال.
فنفس الصدد، ف اللجان المحلية هي اللي غادا تنقل إلى جميع المناطق اللي تضررات بدون استثناء من أجل المعاينة، وهدشي حرصا على وصول المساعدات إلى المستحقين ديالها و اللي كتتوفر فيهم معايير الاستفادة.
