فاضت روح عروسة صباح الخميس بالمستشفى الجهوي بكلميم،لبارئها.. بعدما نقلوها بعجالة للمستعجلات بعد ما جاتها الدّوخة اللي من وراها غيّبات.
تفاصيل القصة حسب سرد مصادر مقرّبة، هي أن شابة فالثلاثينيات من عمرها، كانت كتحتافل الأربعاء بالعشية مع عائلتها ومعارفها بطقوس ليلة الحناء وسط أجواء فرح وبهجة وسرور بمجيئ موعد العرس ديالها. إلا أنه مع بداية الحفل، حسّات العروسة بصداع فالراس ودوخة مجهدة، وهو ما ردّات ليه عائلتها البال باش يتمّ نقلها ديك الساعة للصّبيطار، فين خضعات لفحوص وعناية طبية حتى تحسّنات حالتها الصحية ورجعات للدار فنفس الليلة.
لكن، مع الرجعة ديالها عودتها لدار عائلتها، وفجأة حالتها الصحية تدهورات ورجعات عليها الأعراض اللي كانت كتعاني منها، ودخلات فخالة غيبوبة زرّبات فالنقل ديالها للمستعجلات، إلا أنها هاد المرة، نطقات أخر أنفاسها.
وأمرت النيابة العامة المختصة بفتح تحقيق فالموضوع، وتوجيه جثة الضحية لمستودع الأموات، فانتظار ما غتنتج ما غتوصّل ليه نتائج التشريح الطبي باش يبانو الأسباب الحقيقية للوفاة.
