قام قائد و رئيس جماعة أومديس بإقليم أزيلال بالإيستيلاء على دواء قافلة طبية بعدما كانت موجه لسكان جماعة أومديس بإقليم أزيلال و الناس اللي تضررو من الزلازل اللي أصاب العديد من المناطق بالمملكة المغربية بالخصوص.
فهاد الإطار توصلات إذاعة فلاش راديو برسائل صوتية من ساكنة جماعة أومديس المتواجدة بإقليم أزيلال، كيناشدو فلاش راديو باش توصل الصوت ديالهم للسطات المعنية و باش يستافدو من القافلة الطبية اللي كانت موجهة ليهم.
و في تصريح لأحد ساكنة جماعة أومديس “قال بأن قائد و رئيس الجماعة المذكورة دعاو القافلة باش تسلم ليهم هوما الدوا و هوما اللي غادي يتصرفو فيها و يفرقوها على الساكنة اللي تضررات من الزلازل اللي أصاب المغرب، في حين متوصلو بوالو”.
كيشير المصدر ذاته بأن قائد رئيس جماعة أومديس “باشرو بالسمسرة فهاد الدوايات اللي وفراتهم هاد القافلة الطبية و مسلمهمش للناس المتضررة و اللي بالفعل محتاجة ليهم”.
جدير بالذكر أن إقليم أزيلال كيبقى من بين أكثر المناطق اللي تضررات بسباب هاد الفاجعة ديال الزلزال الذي ضرب المغرب.
