قالت وزارة الشباب والثقافة والتواصل، باللي ما يقارب 20 ألف شخص حضروا العروض الفنية لتظاهرة “نوستالجيا ـ عاطفة الأمس” اللي تنظّمات من 21 لغاية 27 يوليوز الجاري بالموقع الأثري شالّة بالرباط.
وكشفات الوزارة باللي عروض “نوستالجيا ـ عاطفة الأمس” اللي تضاهي الحضارات اللي عمرت بموقع شالة خلال القرون الماضية، عرفات “حضور قياسي وصل فالمجمل حوالي 20 ألف شخص طوال السبع أيام الفايتة”.
ولمّحات الوزارة بأنها كتطمح بمثل هاد المبادرات لتقريب المواطنين والمواطنات من التعرف على تاريخ المواقع الأثرية لبلادهم.
وضافت الوزارة فهاد السياق، أنه من المنتظر باش تتمّ برمجة عروض مشابهة بمواقع أثرية مختالفة خلال المستقبل القريب.
وكتعتامد فكرة عروض “نوستالجيا ـ عاطفة الأمس” على رد الاعتبار للمواقع التاريخية فالمغرب، من خلال تمثيل تاريخي دقيق كيحاكي الحضارات السالفة اللي عمرت بموقع شالّة الأثري من قبيل الحضارة الرومانية والمرينية والسعدية.
وكيتّعتابر موقع شالة الأثري من ضمن أهم المعالم الأثرية والتاريخية بالعاصمة الرباط، حيث كيرجع التاريخ ديالو للقرن السابع ولا السادس قبل الميلاد. ويحمل سحر المكان ومعماره الأثري الزائر في سفر عن طريق حقب مختالفة من تاريخ المغرب.
