خلّف إطلاق نار في وسط مدينة أوكلاند النيوزيلندية 3 ضحايا واحد منهم هو المهاجم، قبل شي سوايع قليلة من افتتاح مباريات كأس العالم للسيدات في كرة القدم اللي غيتلعب كيفما كان مقرر.
قال رئيس الوزراء النيوزيلندي كريس هيبكنز باللي مكاين حتى شي تهديد للأمن القومي، كيأكد باللي كأس العالم اللي كتستاضفو نيوزيلندا وأستراليا بشكل مشتارك غيبدا نهار الخميس كيفما هو محدّد.
وأكد باللي “مستوى تهديد الأمن القومي لنيوزيلندا متبذّلش”، كيشير باللي “البوليس حيّدو الخطر ومقتقلّبش على حتّى شي شخص آخر عندو ارتباط ب” بإطلاق النار. وضاف باللي “الحكومة دارت مشاورات مع المنظمين فالاتحاد الدولي لكرة القدم (فيفا) والبطولة غتّقام”.
ونتج إطلاق النار اللي طرى صباح الخميس في موقع بناء، على جرح ستة ديال الأشخاص واحد منهم بوليسي.
وذكر مفوض الشرطة بالنيابة ساني باتيل باللي “المهاجم تنقل فالمبنى” وهو كيطلق النار من “سلاحه الناري”. وضاف أنه “فاش وصل للطوابق العليا من المبنى بقى فالمصعد وحاول الموظفين ديالنا الاشتباك معاه”.
وتابع باتيل باللي “الرجل طلق بزاف ديال الرصاص ولقاوه ميّت من بعد داكشي”.
ووضّحات الشرطة أنه تم تأكيد وفاة 2 ديال الأشخاص فهاد المرحلة لجانب المهاجم.
وتابعات أنها صيفطات “هيليكوبتر” وباللي عناصرها ردّوا “بأعداد كبيرة” على إطلاق النار وحاصرو المنطقة.
وعرضات وسائل إعلام محلية لقطات لبوليسي مصاب خلال النقل ديالو لسيارة إسعاف.
وقال باتيل باللي “اللي وقع كيثير القلق بالتأكيد ونطمئنّ الجمهور بأنه تمت السيطرة على الوضع وأنه حادث معزول”، كيأكد أنه “مكاين تماك حتى خطر على الأمن القومي”.