علنات سلطات الهند وباكستان، تعرض السواحل ديالهم اليوم الخميس، لعواصف وأمواج عاتية قبل شي ساعات من وصول إعصار قوي لليابسة، في حين كيقلب الأشخاص اللي متمكنوش يهربو على ملجأ بقدر المستطاع.
كيفما هرب حوالي 150 ألف شخص من المسار المتوقع لإعصار بيبارجوي اللي كيعني اسمه “كارثة” باللغة البنغالية، مع تحذير خبراء الأرصاد الجوية من أنه يقدر يدمر ديور ويقطع خطوط كهرباء فاش غيوصل لليابسة حوالي الساعة 12:00 بتوقيت غرينتش الخميس.
ومن المتوقع أن تهب رياح قوية وعواصف على امتداد 325 كيلومترا من الساحل بين ماندفي في ولاية غوجارات الهندية وكراتشي في باكستان.
يقول جايانثا بهاي، وهو صاحب محل في بلدة ماندفي الساحلية الهندية، أنه خايف على سلامة العائلة ديالو.
وضاف الأب لثلاثة ديال الولاد، اللي تتراوح أعمارهم بين ثمانية أعوام و15 عام واللي ناوي يتسنى الإعصار في دارو اللي داير بيها الإسمنت الصغير ورا المحل”هادي هي المرة اللولى اللي كنحضر فيها لإعصار”. وتابع “هادي هي الطبيعة، منقدروش نوقفو فوجهها”.
وتوقعات هيئة الأرصاد الجوية الهندية باش تضرب العاصفة “الشديدة بزاف” حدى ميناء جاكاو الهندي مساء الخميس كتحذر من “دمار شامل” للديور التقليدية المبنية من الطين والقش.
وفالبحر، كانت سرعة الرياح كتوصل ل180 كيلومترا فالساعة، مع توقع أنها توصل سرعاتها إلى ما بين 115 و125 كيلومتر في الساعة وإلى 140 كيلومتر فالساعة بحلول الوقت اللي غيضرب فيه الإعصار اليابسة.
وحذر خبراء الأرصاد الجوية فالهند من احتمال حدوث “أضرار واسعة النطاق” بما في ذلك تدمير محاصيل و”تقويس أعمدة كهرباء واتصالات أو اقتلاعها” وتعطيل خطوط قطارات وطرق.
