قدرات عناصر فرقة مكافحة العصابات بولاية أمن الدار البيضاء، بتنسيق مع فرقة الشرطة القضائية بمنطقة سيدي البرنوصي، فالساعات اللولى من فجر اليوم الجمعة، من ضبط محاولة للتهريب الدولي للمخدرات عبر المسالك البحرية وحجز طن و863 كيلوغرام من مخدر الشيرا.
ووضّحات المديرية العامة للأمن الوطني، فبلاغ بهاد الخصوص، باللي هاد العملية ، اللي تم تنفيذها على مستوى الشريط الساحلي بمدينة الدار البيضاء، خوّلات من حجز 51 رزمة من مخدر الشيرا ، وصل مجموع الوزن ديالها طن و863 كيلوغرام، زيد عليها ضبط جوج زودياكات ومحركين بحريين وحاويات بلاستيكية تضم كمية من المحروقات.
وزادت باللي عمليات التمشيط المكاني نتجات على توقيف 2 ديال الأشخاص فعمرهم 28 و51 عام، حدى مكان حجز المخدرات المضبوطة، واللي كيتمّ إخضاعهم دابا للبحث القضائي تحت إشراف النيابة العامة المختصة، للكشف على علاقتهم الممكنة بالشبكة الإجرامية المتورطة فمحاولة تهريب هاد الشحنة من المخدرات.
وقالت المديرية العامة باللي هاد العملية الأمنية كتندارج فسياق المجهودات المكثفة والمستمرّة اللي التي كدّيرها مصالحها لمكافحة التهريب الدولي للمخدرات والمؤثرات العقلية.
