كتحتاضن مدينة مكناس، لعاشر مرة، إقصائيات بطولة العالم لرياضة “بريك دانس”، نهار 2 شتنبر 2023، ابتداءا من الساعة الثامنة ديال العشية في ساحة “لاكورا”.
وحسب بلاغ للجامعة الملكية المغربية للرياضات الوثيرية والرشاقة البدنية الهيب هوب والأساليب المشابهة، فإن هاد اللخرة “كيبين مدى نمو وتطور هاد الرياضة على المستوى الوطني فالأعوام الأخيرة، وظهور أسماء عالمية انطلاقا من منصات التنافس بالمغرب”.
ويكمن هدف هاد المسابقة الدولية اللي شاداها أهم الدول العالمية في مجال البريك دانس، في مساعدة المواهب اللي طالعة بالمغرب باش يدخلو لمنصات عالمية يالاه جاية بأوروبا والولايات المتحدة الأمريكية، باش يبصمو على مواهبهم ويبينو الطاقات ديالهم في مجال الرياضات الوثيرية والهيب هوب، وتشريف “الضراپو” ديال المغرب في مختلف التظاهرات الدولية، بالإضافة لنشر ثقافة الرياضات الحضرية وتوفير فضاءات للتنافس والممارسة.
وغتمر المراحل اللولى لهاد المسابقة الدولية نهار الجمعة فاتح شتنبر بمدينة مكناس بمشاركة عشرات الممارسين اللي كيموتو على هاد الرياضة الحضرية، بتأطير وإشراف من الخبير الوطني أمين واكريم، وداكشي بغرض تأهيل 16 مشارك، على مستوى الإناث والذكور للمرحلة الإقصائية النهائية، اللي غتقام نهار السبت ثاني شتنبر بساحة “لاكورا”، وغتعرف وسائل الإعلام الوطنية ومئات من عشاق ومتابعي هاد الرياضة.
وغيقدرو اللي ربحو فهاد الإقصائيات على مستوى الاناث والذكور، أنهم يمثلو المملكة المغربية بنهائيات بطولة العالم “ريد بول بيسي وان”، اللي غتقام نهاية هاد العام بمدينة نيويورك بالولايات المتحدة الأمريكية، بحضور أهم الممارسين على المستوى العالمي.
وفايت لبزاف من المتأهلين خلال الدورات الفايتة للمسابقة من تمثيل الراية المغربية بشكل مشرف، والمنافسة على الجوائز اللولى، بالرغم من ارتفاع وتيرة المنافسة بين الأبطال اللي كاينين، كيفما قدرو شي وحدين منهم يحتارفو رياضة البريك دانس بأوروبا كالبطل المغربي “بي بويز وولف” اللي مقيم بالعاصمة النمساوية فيينا.