وصل عدد زبناء مجموعة اتصالات المغرب لما يقارب 75 مليون زبون لغاية متمّ يونيو 2023، بتدنّي ضئيل بنسبة 0.5 فالمية مقارنة مع نفس الفترة من العام الفايت.
ووضّحات المجموعة، في بلاغ يخصّ نتائجها الفصلية، باللي قاعدة زبناء الهاتف المحمول فالمغرب وصلات ل19.6 مليون زبون، مع صعود قاعدة زبناء الدفع المؤجل بـ 2.6 فالمية.
وضاف البلاغ باللي عدد زبناء الهاتف الثابت وصل حوالي 1.9 مليون خط في انتهاء يونيو 2023، مسجلا أن قاعدة زبناء الصبيب العالي وصلات 1.6 مليون مشترك، مع ارتفاع كبير في عدد زبناء الألياف البصرية (+ 43 فالمية).
كيفما وصل عدد زبناء الهاتف النقال، على الصعيد الدولي ل50.966.000 زبون، مفرّقين على بوركينا فاسو (11.148.000)، والكوت ديفوار (9.511.000)، ومالي (8.730.000)، وتشاد (5.939.000)، وبنين (5.475.000)، والنيجر (2.968.000)، وموريتانيا (2.962.000)، والغابون (1.450.000)، والطوغو (2.855.000)، وجمهورية إفريقيا الوسطى (198.000).
وفيما يتعلق بعدد زبناء الخطوط الثابتة، وصل372.000 مشترك، مفرّقين على مالي (204.000) وبوركينا فاسو (75.000) وموريتانيا (44.000) والغابون (50.000)، بينما وصل زبناء الصبيب العالي 177 ألف زبون.
وحقّقات المجموعة رقم معاملات ثابت كيناهز 18,4 مليار درهم، عند انتهاء شهر يونيو 2023، بارتفاع النسبة ديالو ل4,7 فالمية (زائد 2,2 فالمية بسعر الصرف الثابت).
ووضّحات المجموعة، باللي هاد التطور يسعى للتأثير المشترك لارتفاع الأنشطة الدولية بنسبة 8,5 فالمية (زائد 3,3 فالمية بسعر الصرف الثابت) والأنشطة بالمغرب (زائد 1,2 فالمية).
وفالتفاصيل، ارتافع رقم المعاملات بالمغرب بنسبة 1,2 فالمية مقارنة بنفس الفترة من عام 2022، حيث وصل ل9,68 مليار درهم. وواصلت عائدات البيانات الثابتة فالاستفادة من زخم الإقبال على الألياف البصرية (FTTH)، معوضة بذلك الانخفاض المسجل في خدمات الجوال وخط المشترك الرقمي غير المتماثل (ADSL).
وذكر نفس المصدر باللي رقم معاملات الهاتف المحمول طلع بنسبة 0,9 فالمية مقارنة بنفس الفترة من عام 2022 باش يوصل ل5,73 مليار درهم.
من جيهتو، ارتافع رقم معاملات أنشطة الخطوط الثابتة والإنترنت بنسبة 1 فالمية خلال النصف اللول من سنة 2023، مقترنا بنمو رقم معاملات البيانات بنسبة 8,3 فالمية، الشيء اللي عوّض الانخفاض المسجل في خدمات الصوت.
وعلى الصعيد الدولي، تحسّنات أنشطة المجموعة بنسبة 8,5 فالمية خلال الأشهر الستة اللولى من العام الجاري باش توصل ل9,28 مليار درهم (زائد 3,3 فالمية بسعر الصرف الثابت)، مدفوعة بالأداء الجيد لبيانات الهاتف المحمول اللي ارتفعات بنسبة 28,3 فالمية (زائد 22,1 فالمية بسعر الصرف الثابت) ولخدمة الأداء عبر الهاتف (Mobile Money) اللي طلعات بنسبة 11,8 فالمية(زائد 7,1 فالمية بسعر الصرف الثابت).
ومن غِيرْ الانخفاض فأسعار إنتهاء خدمة الهاتف المحمول، طاعات إيرادات الفروع الأخرى بنسبة 3,5 فالمية بسعر الصرف الثابت.