كشفات نتائج أحدث رصد لجودة رمال الشواطئ المغربية باللي البلاستيك والبوليستيرين كيمثلو 92 فالمية من مجموع النفايات اللي تم الجمع ديالها على مستوى هاد الفضاءات.
وحسب نتائج تقرير وزارة الانتقال الطاقي والتنمية المستدامة حول “رصد جودة مياه الاستحمام والرمال للشواطئ المغربية”، واللي تعطات النتائج ديالو اليوم الثلاثاء بالرباط، فإن توزيع النفايات على مستوى الشواطئ اللي خضعات للرصد كيشير إلى أن أغلب مكونات النفايات كتنتامي لصنف البلاستيك /البوليستيرين بنسبة 92 فالمية من مجموع النفايات اللي تم الجمع ديالها.
وقالت وزيرة الانتقال الطاقي والتنمية المستدامة ليلى بنعلي، فالندوة الصحفية التي تخصصات لتقديم هاد النتائج، باللي عمليات رصد جودة الرمال شملات 61 شاطئ منها 38 على الساحل الأطلسي و23 على الساحل المتوسطي، وهمت بالخصوص التحاليل الكيميائية والفطرية وتوصيف النفايات
وضافت باللي النتائج نتجات على أن 70 حتال 80 فالمية من النفايات اللي كاينة فالبحار والسواحل كتجي من مصادر برية
وبينات النتائج كذلك أن بعض الأصناف الفرعية كـ”أعقاب السجائر” والسدادات وأغطية الأواني البلاستيكية ” و”مغلفات رقائق البطاطس والحلوى وعيدان الحلوى” كتمثل 60 في المائة من مجموع الأصناف.
وبخصوص نتائج التحاليل الفطرية للرمال، كشفات النتائج المحصل عليها خلال حملتي الرصد، وجود بعض الفطريات الجلدية على مستوى بعض الشواطئ وهي مكتشكلش عموما تهديد على الصحة.البحرية وخاصة البلاستيكية
