قدرات القيادة الجهوية لدرك سطات، من حل لغز جريمة قتل بشعة، ةاللي مشات ضحيتها سيدة فعمرها 78 عام، تلقات نهار الأحد الفايت، جثة بلاش حوايج فوسط الطريق، حْدَا مدينة الدروة شرق الدار البيضاء.
ووقّفات عناصر الدرك الملكي، اليوم الثلاثاء، جوج من الجناة، واحد منهم قاصر، بكل من منطقة الدروة ومديونة، فين كيسكنو، وداكشي للاشتباه في تورطهم فارتكاب هاد الجريمة، بعد الاعتماد على الأبحاث التقنية والعلمية ورفع البصمات اللي أدات لتحديد هوية المشتبه فيهم.
وخوّلات الأبحاث والتحريات العلمية والتقنية، اللي بداتها عناصر الدرك الملكي، بدعم خبرة القائد الجهوي لدرك سطات، من تحديد هوية ومكان المتورطين فارتكاب هاد الجريمة اللي زعزعات الرأي العام المحلي بالدروة، وخلقات حالة استنفار من نهار الأحد.
كيفما تم الاحتفاظ بالمشتبه فيهم تحت تدبير الحراسة النظرية رهن إشارة البحث القضائي اللي كتشرف عليه النيابة العامة المختصة، باش يتمّ تحديد كاع الظروف والملابسات المحيطة بارتكاب هاد الجريمة اللي مشات ضحيتها سيدة سبعينية.