وضح العضو السابق في فرقة البيتلز، بول مكارتني، باللي أغنية “أخيرة” للفرقة الشهيرة بصوت العضو الراحل جون لينون، غتخرج هاد العام بفضل استخدام تقنية الذكاء الاصطناعي.
وفي مقابلة مع”BBC راديو 4″، دازت الثلاثاء، مذكرش “مكارتني” اسم الأغنية، ولكن قال باللي التكنولوجيا استخدمات “عمل مبدئي دارو “جون” وكملناه حنا”.
وقال مكارتني اللي كان كيتحدث في مناسبة افتتاح معرض يضم 250 صورة لفرقة البيتلز في نهاية يونيو/ حزيران، التاقطها براسو عامي 1963 و1964: “يالاه سالينا وغتطرح هاد العام”. وزاد: “نجحنا في تنقية صوت جون بفضل الذكاء الاصطناعي لدمج التسجيل”.
وقالت هيئة الإذاعة البريطانية في مقال على الإنترنت، باللي الأغنية من المحنمل تكون “Now And Then” (الآن ولاحقا) اللي سجلها لينون تجريبيا في عام 1978، قبل عامين من وفاتو في عام 1980.
وقال مكارتني باللي المخرج بيتر جاكسون، استخدم التكنولوجيا فالسلسلة الوثائقية لعام 2021 المعروفة باسم “البيتلز.. رجعو” اللي كتبين لقطات للفرقة أثناء التحضير لألبومها “لت إت بي” عام 1970.
وقال مكارتني “قدر ياخذ صوت جون من شريط صغير من الكاسيت”.
وضاف “كان تماك صوت جون وبيانو، وتمكن أنه يفصل بينهم باستخدام الذكاء الاصطناعي”.
وأثار استخدام الذكاء الاصطناعي فالموسيقى جو من الإثارة والخوف مما يمكن أن تحققو هاد التكنولوجيا.
وقال مكارتني، فاش سولوه بهاد الشأن “شي حاجة مثيرة للاهتمام للغاية.. شي حاجة كنتعاملو معاها كلنا فالوقت الحالي (..)”.
وتابع “كاين واحد الجانب مزيان ليها (هادالتقنية الجديدة) وكاين جانب سلبي وكيخلع، وخاصنا غير نشوفو فين غادي بينا داكشي”.