كتواصل السلطات المحلية ومصالح الأمن ببني ملال، حملات تطهير فضاءات منتزه “عين أسردون”، من مظاهر الفوضى والعشوائية، حفاظا على جمالية المناظر ديالو الطبيعية وراحة الزائرين ليه، وبالأخص بعد ما رجع بحلة جديدة بعدما وخضع لأشغال التهيئة والتأهيل.
وكتخدم هاد الحملات، على محاربة كل المظاهر والتصرفات اللي كيلجأ ليها، خاصة الفراشة وأصحاب العراصي، بالمحاذاة بمجاري المياه، اللي كيشتغلو الملك العمومي قدام الأراضي ديالهم لأغراض تجارية”.
ويذكر باللي هاد الممارسات كيجيو معاها بزاف ديال المشاكل
على مستوى الحفاظ على الخصوصيات الطبيعية والسياحية لهاد الأماكن وضمان أمن وطمأنينة وحرية التنقل والاستجمام لمرتادي منتجع عين أسردون اللي كيعرف إقبال عدد كبير من الزوار خاصة في فصل الصيف”.
بالموازاة مع أشغال التهيئة، اللي شملات منتزه عين أسردون، كيفما تخذات إجراءات مشددة على مستوى استدامة ضمان الأمن للزوار ومحاربة كل أشكال مظاهر العشوائية اللي كتأثر بالسلب على جاذبية المنتزه الطبيعية، باش ترجعو في مستوى الوجهات السياحية المفضلة ببلادنا.
