خرج الفنان المغربي Produzz، أغنية جديدة جات بعنوان Dlami، اللي دارت نجاح كبير في ظرفية قياسية من خروجها، والأغنية كاينة فكاع تطبيقات الموسيقى منها، Spotify ،Apple Music، و Amazon Music.
وتعامل Produzz فالعمل الفني الجديد ديالو، مع فريق عمل احترافي من الموسيقيين والمنتجين، باش يتم إصدار تجربة موسيقية ناجحة ومؤثرة وكتبقى فالأذهان.
كيفما سجل Produzz أغنيتو فاستوديو Signature Prod، فالوقت اللي تم رسم الغلاف الخاص بالأغنية بواسطة الفنان نفسو.
وكتعتابر أغنية Dlami، رحلة عميقة في حياة الفنان Produzz، حيث تطرق من خلالها لعدة مواضيع بحال الاكتئاب والمأزق بين متابعة الدراسة والتفرغ الكامل للموسيقى، وكيفما بين كذلك على عواطف عميقة، اللي كتحكي على بزاف ديال الرسائل، من بينها التحديات الشخصية والقرارات الحاسمة .
وفيما تحمل كلمات الأغنية في طياتها، مجموعة من الأسئلة اللي كيواجهها العديد من الشباب في مسارهم فهاد الحياة.
وجدير بالذكر أن Produzz هو فنان مغربي كيمتالك موهبة كبيرة، من مواليد 19 فبراير 2004 بمدينة الدار البيضاء، واللي خدم مع مجموعة من الفنانين سواء داخل المغرب أو خارجه نذكرو منهم، Furelise, 7ari, 7liwa, Black Jack Obs, Tagne.
وفي فرنسا، دار Produzz البصمة ديالو في صناعة الموسيقى في وقت وجيز، من خلال إبداعاته وابتكاره المتميز.
