وقفو البوليس ديال مدينة تزنيت، ليلة الجمعة، عضو من الفرقة الغنائية للفنان أيمن السرحاني ف”لوطيل”، من ما اتضح أنه “روشيرشي” للعدالة بسباب دعوى قضائية ضدو كتعلق بموضوع النفقة قدماتها ضدو الطليقة ديالو.
وتم توقيف المعني بالأمر من طرف البوليس الشرطة، ديريكت من بعد ما سالى الحفل اللي أقاموا الفنان بساحة الاستقبال، وداكشي فإطار الدورة 11 لمهرجان تيمزار للفضة بتزنيت، حيث تمت الإحالة ديالو تحت تدبير الحراسة النظرية بأمر من النيابة العامة المختصة فيطانتظار متابعة باقي التدبيرات القانونية فحقو.
