رجاء الادريسي المشبشي
بعد زلزال الحوز، بزاف ديال الناس عاشوا تجربة مؤلمة و كارثية، الامر اللي نتج عليه بعض الاعراض الجسدية و النفسية و اللي حرماتهم من مزاولة نشاطاتهم اليومية بشكل عادي و طبيعي.
وضح الطبيب النفسي حسن ابن علي أن «هاد الحالة تسمى بالاضطراب ما بعد الصدمة(PTSD)، وهي حالة نفسية كتبان ملي كيتعرض الشخص لتجربة صعيبة كتخلي آثار نفسية مدمرة.
من بين العلاجات الفعالة لمعالجة هاد الحالة هو حساسية حركة العين و إعادة المعالجة، المعروف ب(EMDR) ».
ال EMDR هو اختصار لعبارة «حساسية حركة العين وإعادة المعالجة»، طريقة علاجية تطورات فالثمانينات من طرف الدكتورة فرانسين شابيرو، عالمة نفسيو أمريكية.
كيعتامد العلاج على تحفيز حركات العيون أو الأصوات أو اللمس بأطراف الجسم فنفس الوقت اللي كيتم فيها إعادة استحضار الذكريات المؤلمة للمريض.
كيعاون EMDR فعلاج اضطراب ما بعد الصدمة من خلال تحفيز معالجة الذكريات، بحيث كيساعد المريض فمعالجة الذكريات المؤلمة و العواطف المصاحبة لها بشكل آمن ومنظم.
و كيساعد هاد العلاج أيضا فتقليل الأعراض المزعجة لاضطراب ما بعد الصدمة، فحال الكوابيس والتوتر و الخوف ، بالاضافة أنهو كيقوم بتغيير التفكير السلبي المرتبك بالذكريات المؤلمة و التأكيد على التفكير الايجابي، وكيمنع الاكتئاب عند الأشخاص اللي كيعانيو من اضطراب ما بعد الصدمة.
و كيساهم فعودة الاستقرار النفسي والعاطفي للمريض بعد التجربة الصعيبة.
للمعالجة بواسطة ال EMDR، كيطلب جلسة أولية تشخيصية لفهم تاريخ المريض وتحديد الأهداف العلاجية، بعد ذلك تحفيز حركات العيون أو الأصوات أو اللمس بجانبي الجسم فاللحظة اللي كيسترجع فيها المريض الذكريات الصعيبة.
و كتم هاد المراحل العلاجية إلى حين تحقيق التحسن المرغوب فيه.
يحدد عدد الجلسات حسب حالة المريض وشدة الأعراض، و ممكن تطلب جلسات EMDR بزاف ديال الجلسات لتحقيق نتائج ايجابية
فهاد الإطار أهمية احتياج المريض للدعم ما بعد العلاج هو أهم جزء فالعلاج و مدى فعاليتو، اذ يمكن أن يساعد الشخص على التأقلم مع التغييرات اللي كطرا فحياتو، كما يمكن للشخص بداية هاد الجلسات بشكل ذاتي اذا استدعى الأمر.
عند تنفيذ EMDR بشكل صحيح، يمكن يكون ليه تأثير إيجابي على الأشخاص اللي كيعانيو من اضطراب ما بعد الصدمة والاضطرابات النفسية الأخرى. يجب اعتماد تنفيذ هاد العلاج من قبل طبيب نفسي مؤهل ومدرب على EMDR.
وفي الأخير كيمكن يكون الEMDR علاج فعال للأشخاص اللي عاشوا تجربة الزلزال وكيعانيو من آثار ما بعد الصدمة، حيث يساعد في تخفيف الأعراض وتحسين جودة حياتهم النفسية.