وقفو البوليس اللي تابعين لولاية أمن طنجة، 2 ديال الأشخاص عندهم الجنسية الفرنسية، واحد منهم من أصل مغربي والثاني من أصل جزائري.
وتمت العملية، اليوم السبت 26 غشت، من بعد الاشتباه فتورطهم في عدم الامتثال والسياقة الاستعراضية بشكل كيهدد سلامة مستخدمي الطريق وإهانة موظف عمومي وهو كيأدي المهام ديالو.
واستخدمو المشتبه فيهم طوموبيل مسجلة بالخارج، باش يديرو سياقة استعراضية خطيرة اللي كتهدد سلامة الأشخاص والممتلكات، كيفما قصد عدم الامتثال لشرطي المرور اللي تدخل باش يوقفهم، وعرضوه للإهانة بعدما لاحو جوج وراق من الزاج ديال الطوموبيل وهربو.
وقدرات إجراءات البحث تشخص هوية المشتبه فيهم وتوقيفهم بواحد الفنادق، حيث حطوهم تحت تدبير الحراسة النظرية على خلفية البحث القضائي اللي كيجري تحت إشراف النيابة العامة المختصة، للكشف على جميع ظروف وملابسات هاد القضية، في حين تم إيداع الطوموبيل المستعملة فلافيراي لضرورة البحث.