كتطمح السعودية من خلال الانفتاح والتوسع في كرة القدم ضمن “مشروع طويل المدى”، باش تردّ دوري المملكة من أحسن الدوريات العالمية، وفق ما صرح رئيس عمليات الدوري المحلي كارلو نهرا نهار السبت.
كايجي هادا فسياق تقديم فريق الهلال للاعب ديالو الجديد نيمار اللي انضم لبزاف ديال النجوم واللي أبرزهم رونالدو وبنزيمة، بعد صفقات كلّفات السعودية، اللي منين شدّ الأمير محمد بن سلمان لولاية العهد عرفات انفتاح مدازش بحالو قبل، مئات ملايين الدولارات.
وجا على لسان رئيس عمليات الدوري السعودي كارلو نهرا باللي التوسع الاستثنائي لكرة القدم فالسعودية كيتحطّ ضمن “مشروع طويل المدى” بدعم حكومي قوي، خلافا للطفرة الصينية القصيرة.
وصرّح “نهرا” باللي دوري الكرة فالمملكة الخليجية الميسورة كيحظى بالتزام قوي من المسؤولين فالبلاد، والمقصد هو باش يولّي من أحسن الدوريات العالمية.
كيفما قال رئيس عمليات الدوري السعودي من استاد الملك فهد الدولي فالرياض: “مكنتوقّعوش يطرى هاد البلان بين ليلة وضحاها. وماشي حدث فاللّخر ديال السيمانة، إنما هو مشروع مديور للمدى البعيد وكلّشي كيتقبل هاد الحاجة “. وزاد: “خاص نديرو كاع الحوايج الصحيحة لتحقيق الأهداف المرغوبة”.
ومكّن هاد التوسع السريع فالدوري السعودي من إجراء مقارنات مع نظيرو الصيني اللي استقطب عدد كبير من النجوم خاصة من “بلاد راقصي الصامبا” البرازيل، قبل ما تواجه الأندية عوائق مادّية. وفوحدة من المراحل، خلّى”غوانغجو إيفرغراندي” يردّ الأرجنتيني داريو كونكا واحد من أعلى اللاعبين أجرا بالعالم، في حين خسر شنغهاي شنهوا 730 ألف دولار أسبوعيا، حسب تقارير، على الأرجنتيني كارلوس تيفيس.
وذكر “نهرا” بهاد الخصوص: “هاد المقارنات محسومة، لكن بالنسبة لينا، حقيقة هاد المشروع جزء من مشروع انتقالي غيدّي هاد البلاد للبلاصة اللي باغاها “.