قرر البنك الدولي رفع سعر فائدة القرض اللي عطاه لجماعة الدار البيضاء بنسب مرتافعة، شبهوها شي وحدين بـ”الخرافية” واللي بالفعل غتأثر على ميزانية الجماعة اللي واكلة العصا فالأصل.
ودايرة مجهودها نبيلة الرميلي رئيسة جماعة الدار البيضاء في محاولة تغطية هاد النسبة من الفائدة واللي فرضها البنك واللي مقدارها 3.26 فالمية من ميزانية التسيير، اللي تناقشات فالدورة الاستثنائية المنعقدة اليوم الخميس؛ إلا أن المعارضة انتاقدات هاد الخطوة بحدة.
وقال مصطفى الحيا، عضو فريق العدالة والتنمية المعارض بجماعة الدار البيضاء، أنه في نهاية الولاية السابقة، كانت نسبة الفائدة تقدر بـ 0,25 فالمية، موضحاً، باللي فريق “البيجيدي” كان هاداك الوقت حريص على السعي وراء هاد الموضوع مع البنك الدولي بدقة، حيتاش نسبة الفائدة كتبدل.
وتم اتهام المكتب المسير للجماعة، باللامبالاة بخصوص هاد الموضوع،الشيء اللي خلى البنك يطلع سعر الفائدة بشكل مضاعف ممم اللي كانت عليه عام 2021، مشيرا إلى أن البنك كيهبط نسبة الفائدة بمجرد إنجاز شرط معين من الشروط اللي كيفرضها البنك الدولي.
وكشف باللي نسبة الفائدة عام 2021 كانت تقدر بـ 0,25 فالمية باش تطلع سنة 2022 بـ 0.87 فالمية، لترتفع بشكل صاروخي ل3.26 فالمية عام 2023.
وضح هاد الارتفاع بعدم انعقاد لجان التقييم من طرف المكتب المسير لمتابعة هاد الموضوع، كيشدد على أنه من شروط البنك الدولي أن هاد الاجتماع خاص ينعقد مع موضوع الضرائب والخزينة وبإشراف من الولاية.
وبه، حطو أعضاء المكتب المسير للجماعة هاد الارتفاع اللي تدارسوه فاجتماع عاجل، البارحة الأربعاء، على التحولات اللي كتفرضها الظروف الاقتصادية العالمية.
وكان مجلس الجماعة، عول فالبدية ديال العام الحالي على قرض إضافي من البنك الدولي يقدر بحوالي 100 مليون أورو، كيتزاد للبرنامج الأصلي للقرض اللي كتوصل قيمتو 200 مليون دولار، واللي تمت الموافقة عليه من قبل مجلس المديرين التنفيذيين للبنك الدولي سنة 2017، أي في عهد المجلس السابق. وهاد القروض “غتخصص لتمويل المشاريع اللي كتضمنها برنامج عمل الجماعة 2023-2028.