غيتمنعو الصّينيّين اللي عندهم قلّ من 18 عام فالقريب العاجل، من استعمال الإنترنت بالليل على تيليفوناتهم الذكية، في حين غيوّلي الوقت اليومي اللي كيدوّزوه على التصفح محدود، بموجب قانون جديد لمكافحة الإدمان على الإنترنت، اللي خرج للوجود الأربعاء.
وكينصّ القانون اللي من المفترض أنه يتمّ العمل بيه فالثاني من سبتمبر بعد جلسة استشارية عامة تنظيمية، على صدّ أي قاصر من استعمال الإنترنيت فأي “بورطابل” بين الساعة العشرة بالعشية والستّة ديال الصباح.
زيادة على داكشي، غيتلشارجا فالهواتف نظام كينقص من الوقت اليومي اللي كيدوزوه القاصرين وهوما كيتصفّحو شبكة الإنترنيت بالهواتف الذكية، إذ كيحقّ لكاع اللي كتّراوح أعمارهم بين 16 و17 عام باستخدام الإنترنت لجوج سوايع، مقابل 40 دقيقة فقط للأطفال دون الثامنة.
وهاد القواعد الجديدة اللي اقترحاتها إدارة الفضاء الإلكتروني الصينية غيتمّ تطبيقها عن طريق وسائل تقنية هي من بين أكثر التدابير صرامة فالعالم فهاد الخصوص.
