تجدّدات حوادث هجوم حيتان “الأوركا” اللي معروفة كذلك باسم “الحيتان القاتلة” على قوارب الصيد والترفيه واليخوت قبالة سواحل شمال المغرب.
وقبل شي يامات أكد سياح بريطانيون تعرّضهم لهجوم من مجموعة حيتان “أوركا” على بعد نحو 11 كيلومترا من سواحل مدينة طنجة في مضيق جبل طارق.
وكانو السياح راكبين في قارب الارتفاع ديالو 20 ميترو قبل ميحسو بمطاردات للحيتان تواصلات لمدة ساعة، حيث اضطرّتهم إلى التوقف وسط البحر.
وحسب ما أكد جوج ديال البحارة من ذوي الخبرة من بين اللي كانوا على متن القارب أن هاد النوع من الحوت كيميل للإصرار على مطاردة القوارب اللي كتحاول الابتعاد عليه، داكشي علاش قرروا التوقف وسط البحر، من غير داكشي مكانش بالإمكان بفعل قوة الرياح؛ وشارو باللي جميع الراكبين بداو كيفكّرو في واحد اللمرحلة فاستعمال طافيات نجاة للهروب ويخليو القارب اللي كان كيتحرّك بقوة نتيجة ضربات الحيتان القاتلة، حيث بداو بالفعل في جمع أغراضهم الثمينة وجوازات السفر ديالهم.
وفي عدة حوادث دازت، كشف باحثون باللي حوت الأوركا كيستهدف دفة التوجيه الخاصة بالقوارب، الشيء اللي كيتعاود أيضا خلال الحادثة اللخرة قبالة سواحل طنجة، إذ أكد البحاران أنهم تمكّنو من إعادة اليخت إلى الميناء ولكن واجهو صعوبة في توجيهو من بعد الحادث.
وترمز التقديرات باللي أكثر من 100 قارب تعرّضات لحوادث هجوم من طرف حيتان الأوركا في مضيق جبل طارق من عام 2020.
