قدرات عناصر المصلحة الإقليمية للشرطة القضائية بمدينة سلا اعتمادا على معلومات مؤكدة أتاحتها مصالح المديرية العامة لمراقبة التراب الوطني البارح، الخميس بالعشية، توقّف راجل وامرأة مشتبهين في تورطهم في قضية عندها علاقة بحيازة وترويج المخدرات والمؤثرات العقلية والفساد.
وكان تمّ توقيف المشتبه فيه الرئيسي في محطة السكة الحديدية بمدينة الرباط، ديريكت من بعد ما وصل فالطّران اللي جاي من واحد المدينة فشمال المملكة، حيث نتجات عملية التفتيش على حيازته على 100 غرام من مخدر الكوكايين ولا ما كيتيسمّى ب”الغبرة” و1780 قرص مخدر، من بينها 780 قرص طبي من نوع “ريفوتريل” و1000 قرص مهلوس من نوع “إكستازي” زيادة على الفلوس اللي يشتبه في كونها من عائدات هاد “التّبزنيز”.
كيفما مكّنات عملية التفتيش اللي دّارت داخل الدار ديال المشتبه فيه من حجز “قراعي” لاستهلاك مخدر “البوفا” وميزانين إلكترونيين وتسعود ديال الأسلحة بيضاء، زائد توقيف سيدة عشرينية يشتبه في تورّطها بهاد النشاط الإجرامي.
وبه تم إخضاع المشتبه فيهم بجوج للبحث القضائي اللي كتشرف عليه النيابة العامة المختصة، وهادشي بغرض تحديد باقي الامتدادات المحتملة لهاد النشاط الإجرامي، والكشف على كاع الأفعال الإجرامية اللي تنسبات للمعنيين بالقضية.
