مازال شي دواوير تابعة لإقليم تارودانت كتقاوم الآثار القوية ديال الزلزال بوحدها بلا دخول للسلطات المعنية على الخط.
وأكد سعيد، واحد من ساكنة دوار أيت يوسف جماعة تافنكولت بإقليم تارودانت، باللي الساكنة مازال لحد هاد الوقت كتفرش فالأرض، وبالتالي غتكون معرضة للبرد القارص بالليل ولأشعة الشمس القاصحة بنهار، ولمح باللي الساكنة خايفة لا تصاب بالأمراض فحال الحمى والنزلات البرد، بالأخص مع ضعف المناعة اللي تسبب فيه الجوع.
وقال سعيد باللي الجماعة متفاعلاتش مع مطالب الساكنة، كيأكد أنهم قصدوا مقر الجماعة أكثر من مرة بلا ميلقاو حتى استجابة تذكر.
