كيواصل الفنان سعد لمجرد اكتساح المركز اللول في قائمة الفيديوهات الموسيقية الأكثر مشاهدة واستماعا على منصة “يوتيوب”، بجديده الفني الفني “قولي متى”.
حيث وصل عدد مشاهدات أغنية “قولي متى” اللي لاحها شي 12 يوم، واللي جمعاتو بالفنانة الهندية “شريا غوشال” ل26 مليون.
وقالت الممثلة نزهة الركراكي، أم نجم البوب، باللي نجاح أعمال ولدها كيرجع اختياره للأعمال الفنية ديالو بعناية، ووقوفه على أدق التفاصيل، وهو ميكتّعتابرش من الفنّانة اللي كيخلّيو مهامهم لطاقم العمل.
وضافت الركراكي باللي النجم سعد لمجرد كيتولّى براسو الوقوف على تفاصيل الأغاني ديالو من الإضاءة والصوت واللَّبس، حتى كيخرج بعمل ناجح بمعنى الكلمة.
وعبّرات الركراكي على الفرحة ديالها بنجاح أخر أعمال لمجرد الفنية “قولي متى”، كتلمّح أنها “كترجع بينا عهد ألف ليلة وليلة، وقصص الفارس اللي كيدافع على الحبيبة ديالو، في طابع رومانسي”.
وزادت وضّحات المتحدثة نفسها باللي سعد كيعيش نجاح هاد الأغنية الجديدة بعد الانتشار الشاسع اللي حقّقاتو أغنية “آش خبارك” اللي تُعتبر مغربية مية فالمية من ناحية اللَّبس واللهجة والألحان.
