قدرات عناصر المصلحة الولائية للشرطة القضائية بمدينة سطات، البارح الخميس بالعشية 14 شتنبر الحالي، من توقيف شيفور ديال “رموك” مخصص للمساعدات يشتبه في تورطه فمحاولة السيطرة على كمية من المواد الاستهلاكية اللي مقدمة فإطار الدعم التضامني لضحايا الزلزال.
وكانت مصالح الأمن الوطني تجاوبات بجدّية وسرعة كبيرة مع بلاغ قدّمو شيفور ديال الطاكسي، بيّن فيه باللي المشتبه فيه بغاه يشري من عندو مواد استهلاكية بثمن طايح، وهو الشيء اللي خلاّه يشك في مصدر ونوعية السلع المعروضة للبيع.
كيفما تمكنات الأبحاث والتحريات اللي دّارت من توقيف المشتبه فيه، وحجز السلع اللي كانت تعطاتو من إحدى الجمعيات المدنية بالرباط بغرض نقلها على متن الشاحنة النفعية بمقابل مادي، باتجاه المناطق اللي ضربها الزلزال.
في حين تم الاحتفاظ بالمشتبه فيه تحت تدبير الحراسة النظرية على خلفية البحث القضائي اللي أمرات بيه النيابة العامة.
