فين ما كتكون شي مباراة مهمة ديال المنتخب المغربي بالمغرب، كنشوفو بعض المسؤولين لي خدامين في الجامعة كيجيبو صحابهم وعائلتهم وكيجلسوهم في منصة الضيوف “vip”.
ما بين الشوطين كتلقا مسؤولين ديال الجامعة مع العائلات ديالهم كنزلوا ياكلوا ما لذ وطاب من المأكولات، وبطبيعة الحال هاد التذاكر ما مخلصينهم ما والو، والجمهور لي جاي ضارب الكيلومترات من داخل وخارج المغرب ما لافينش مساكن حتى الأماكن في يتفرجو في المباراة ديال المغرب والبرازيل، وكاين لي جاي مع وليداتو من أوروبا ومخلص فلوس كثيرة وحصل وبقا كيتفرج واقف.