كيعتابر غالبية الفرنسيين راسهم “خاسرين” وماشي“رابحين” فالسياسة المتبعة بفرنسا منذ انتخاب إيمانويل ماكرون فالعام 2017، وذلك وفقا لاستطلاع دارو معهد “إيفوب فيديسيال.
وكشف الاستطلاع اللي تنشر مؤخرا، أنه من بين مجموع الساكنة اللي شملها، كتعتاقد أقلية فقط من الفرنسيين أنها رابحة من السياسة اللي اتبعها الرئيس الفرنسي الحالي (25 فالمية)، وهو رقم كينخافض بشكل مطرد منذ يناير 2022 (33 فالمية، بناقص 8 نقاط).
وفي ما كيتعلق بالفئات الاجتماعية والمهنية، سلط الاستطلاع الضوء على الفوارق اللافتة في تصور المستفيدين من السياسة اللي غادي بيها إيمانويل ماكرون. حيث يُنظر لأصحاب المقاولات على أنهم الأكثر امتيازا من عمل ماكرون (68 فالمية)، كيجي وراهم سكان المدن الكبرى والحواضر (41 فالمية)، فيما كيكمل الموظفين المراكز الثلاثة اللولى (41 فالمية).
وتذيل المتقاعدون (17 فالمية) والطبقات الوسطى (16 فالمية) وساكنة الجماعات الريفية (15 فالمية) قائمة الترتيب، وكيتشافو على أنهم أكبر الخاسرين فالسياسة اللي مشى بيها ماكرون من انتخابو.
وكتكشف النتائج التفصيلية لاستطلاع الرأي أيضا عتى اختلافات كبيرة حسب القرب السياسي للمستجوبين. 8 فالمية فقط من المقربين من حزب فرنسا الأبية، و10 فالمية من الحزب الاشتراكي و14 فالمية من التجمع الوطني ومن أوروبا الإيكولوجية الخضر كيوقولو أنهم كيستافدو من سياسة ماكرون، في حين أكّد (81 فالمية) من المتعاطفين مع حزب النهضة و(38 فالمية) من الجمهوريين أنهم كستافدو أكثر من سياسة الرئيس.
وتم إجراء هاد الاستطلاع خلال الفترة من 27 إلى 28 يونيو 2023، على عينة من 1002 شخص كيمثلو الساكنة الفرنسية اللي كتّراوح أعمارها بين 18 عاما وأكثر.
