بيّنو المغاربة عقب زلزال الحوز تضامن وتعاون كبير، وهادشي بغلرض تخفيف الضرر على الساكنة اللي ضاعو فديورهم، حيث اتخذ مجموعة من المواطنين المغاربة بادرة ديال شراء المواد الغذائية والحوايج والدّوايات، ونقلها لمختلف الدواوير اللي تضرّرات.
وخلقات هاد الحملة التضامنية إعجاب مجموعة من الأشخاص فالعالم، كيفما قدّرو التضحيات الجبّارة اللي قدماتها بزّاف ديال الأسر المغربية باش تعاون ضحايا الحوز.
واستحضر العديد من المواطنين فالعالم التضامن اللي بيّنو عليه المغاربة خلال فاجعة سقوط الطفل ريان، وخلال فيروس كورونا، كيعتابرو باللي هاد التضامن قيمة راسخة في قلوب وأذهان المغاربة.
