تسود حالة من الترقب والتوجس عند الحجاج اللي كيستعدو لأداء مناسك الحج هاد العام بتأطير من وكالات الأسفار، وداكشي بسباب عدم تمكنهم من الحصول لحد الساعة على تذاكر الطيران. وحسب مصدر من وكالة أسفار في الرباط، فإن حوالي 70 فالمية من حجاج وكالات الأسفار بالمغرب مازال مخداوش التذاكر ديالهم، مضيفا “كنتواصلو مع مختلف الجهات المسؤولة ومع شركات الطيران ولكن بلا فايدة”، كيشير باللي كاين تماك حالة من الفوضى في توفير التذاكر.
وكيجي داكشي في وقت وجهات فدرالية وكالات الأسفار مراسلة للحصول على معطيات مختلف الوكالات اللي متوصلاتش بالتذاكر. ومن المقرر أنه غيسافرو الحجاج بدأ من 18 أو 19 يونيو الجاري. وكتشير مصادر إلى أن شركات الطيران وخاصة الخطوط الملكية المغربية والخطوط السعودية، كتعطي الأولوية للحجاج اللي كتأطرهم وزارة الأوقاف، وحتى هادو ،شي وحدين منهم خذاو تذاكر الذهاب بدون العودة. وأمام هاد الاحتقان لقاو الحجاج اللي كتأطرهم الوكالات راسهم في وضعية صعيبة وهوما كيستعدو لأداء شعيرة الحج.
