غيواجه الرجاء الرياضي نظيرو نهضة بركان، اليوم السبت، ابتداءا من الساعة الثامنة مساء، على أرضية مركب مولاي عبد الله بالرباط، برسم نهائي كأس العرش.
بدون شك أن هدف نهضة بركان وهو الانتصار على الرجاء الرياضي، للظفر باللقب للمرة الثالثة في تاريخو، بعد اللول اللي تتوج بيه سنة 2018، بعدما انتصر على وداد فاس بالضربات الترجيحية بواقع 3/2، بعد ما سالات المباراة بالتعادل الإيجابي هدفين لمثلهما، والثاني اللي كان السنة الفايتة على حساب المنافس ديالو الوداد الرياضي، بالضربات الترجيحية (3-2) على أرضية ملعب مركب مولاي عبد الله بالرباط.
وفهاد الصدد، أكد الكرمة، مدرب نهضة بركان في تصريح صحفي سابق، باللي الفريق ديالو كيستاعد بشكل جدي ومكثف لنهائي كأس العرش من أجل حسم اللقب لصالحه، وتزويد خزينة نادي نهضة بركان بلقب آخر.
وقال “بصح.. التأهل لنهائي كأس العرش كيبقى شي حاجة كبيرة د، لكن المهم هو الفوز باللقب وهادشي اللي كيرسخ فالتاريخ ”، من جيهتم، عبرو اللعابة ديال النهضة البركانية على عزيمتهم فالتتويج بلقب كأس العرش فاش غيلاقيو فالنهائي الرجاء الرياضي، كيأكدو على رغبتهم فالحفاظ على اللقب وضمان المشاركة في كأس الكونفدرالية الإفريقية.
في حين كيسعى الرجاء الرياضي لتحقيق الانتصار على نهضة بركان، لحمل الكأس الفضية للمرة التاسعة فالتاريخ ديالو، بعد ما تمكن من داكشي في ثماني مناسبات سالفة، سنوات 1974، 1977، 1982، 1996، 2002، 2005، 2012، 2017، وكان خسر النهايات أعوام 1965 و1968 و1983 و1992 و2013.
وفي ظل خروج الرجاء خاوي الوفاض، من مسابقتي البطولة الوطنية الاحترافية محتلا المركز الخامس ،وعصبة الأبطال الإفريقية اللي تقصى منها فدور ربع النهائي قدام الأهلي المصري. غيسعى الفريق الأخضر لكسب مشاركة قارية في الموسم الجاي، في كأس الكونفدرالية الإفريقية.
واختارت لجنة الحكام، التابعة للجامعة الملكية المغربية لكرة القدم، الحكم ياسين بوسليم، لتولي المباراة النهائية لكأس العرش، بمساعدة بوشتاوي زكرياء، كمساعد أول، ولوزاتي رشيد، مساعد ثاني، في حين تم تعيين الحنفي السعدي، كحكم رابع.
وفنفس السياق، قررات لجنة الحكام، التابعة للجامعة الملكية المغربية لكرة القدم، تعيين الحكم رضوان جيد، كحكم رئيسي لغرفة الفار، بمساعدة برينسي زكرياء، وحمزة الفارق.
وكان الرجاء الرياضي تأهل للمباراة النهائية، بعد ما فاز في نصف النهائي على غريمه التقليدي بهدف نظيف، فالماتش اللي دارت الأطوار ديالو الأحد الفايت، على أرضية مركب محمد الخامس بالدار البيضاء.
وضمن نهضة بركان بلاصتو في نهائي كأس العرش، بعدما انتاصر بالضربات الترجيحية على الفتح الرياضي، بعد نهاية المباراة اللي جمعات بيناتهم الأحد الفارط، على أرضية المركب الرياضي لفاس بهدف لمثله.
