عبر بزاف ديال المشاهير المغاربة على أنهم مستعدين باش يتبرعو ماديا باش يساعدو المتضررين من زلزال الحوز، اللي ماتو فيه المئات من الأشخاص وخلف خسائر مادية جسيمة، كيفما كيدعيو عبر حساباتهم على مواقع التواصل الاجتماعي المسؤولين إلى ضرورة إحداث حساب وطني مخصص لهاد الغرض.
ومن بين هاد المشاهير، الفنانة أسماء لمنور، حاتم عمور، سعيدة شرف، أحلام الزعيمي، فاطمة الزهراء الإبراهيمي وآخرين.
و بهاد الخصوص دعات الممثلة المغربية المقيمة في الإمارات مريم حسين، القنوات التلفزية المغربية باش ينضمو حملة جمع تبرعات وطنية، و كتشير إلى أن العديد من المشاهير المغاربة والعرب عبروا ليها على الاستعداد ديالهم التام باش ينخرطو في الحملة ويساعدو گاع المتضررين، و هدشي جا على غرار حملة “تركيا قلب واحد” اللي شارك في تقديمها العديد من المشاهير الأتراك عقب الزلزال المدمر اللي شهداتو البلاد في فبراير الماضي و اللي تمكنو من خلالها من جمع ملايين الدولارت من التبرعات.