عطى وكيل الملك بالمحكمة الابتدائية بالدار البيضاء، أمس الإثنين، أجل 7 أيام للكوميدي المغربي عبد الفتاح جوادي لدفع أجور الفنانين اللي اتهموه بالنصب والاحتيال، وحل مشاكلو معاهم.
وحسب معطيات من مصادر مقربة، فإن جوادي تشبث بموقفو ونكر جميع الأفعال المنسوبة ليه، رغم الشكايات اللي جات عليه من طرف أبطال السيتكوم الرمضاني “تريكة القنب”.
كيفما ولى الكوميدي جوادي معرض ومهدد لإخضاعو لعقوبات قانونية صارمة فحالة مسددش ما عليه من أجور ،واللي متفق عليها لأصحابها ،بحيث تم تحديد نهار 19 يونيو الجاري كآخر أجل باش يتلقاو حلول للمشاكل. للمشاكل.
وفالسيمانة الفايتة،كان داز الكوميدي عبد الفتاح جوادي عناصر الأمن بالبيضاء وتم الإصغاء ليه، بحيث كان واعد ديك الساعة رجال الأمن باش يحل المشكل بطريقة حبية، وغايخلص الأجور لصحاب الحقوق وهم أبطال السيتكوم.