أعربت الفنانة نادية العروسي عن تضامنها المطلق مع سعيدة شرف، بعد تعرضها للسب من طرف صانعة المحتوى مريم العيساوي المعروفة اختصارا بـ “ميمي”.
و كتبت العروسي في حسابها الرسمي بموقع التواصل الاجتماعي “إنستغرام” : “شفت بزاف ديال الناس كيعاتبو الفنانة والزميلة ديالنا فالمجال الفني علاش كتوجه القضاء فكل مرة كيسبها شي حد فالسوشل ميديا أو الحمام ميديا حيت مواقع التواصل الاجتماعي رجعات حمام عامر بالذباب الالكتروني أو بمفهوم آخر بناس جهلاء يجهلون القانون”.
وتابعت العروسي : “سعيدة شرف مدعاتش ناس عايروها فالخفاء أو سبو ليها والديها فالخفاء وبينها وبينهم فالسر لا هي قامت بشكوى ضد ناس عيرةوها أمام الملأ بالصوت والصورة يعني التشتهير وسعيدة كونها أم لوليدات صغار ميمكنش كل مرة تدخل تلقا من هب ودب كيعايرها وليداتها كيتوصلو بالفيديوهات ونفسيتهم تدمر، بالعكس سعيدة كانت أرقى من ذلك فعوض مدير خرجات دون المستوى أو تعاير هي فضلات الرد يكون بطريقة قانونية وحنا كلنا ثقة فالقانون ديالنا فالبلاد القانون عمرو ظلم حتى واحد الحمد لله”.
وأضافت ذات المتحدثة : “سعيدة قامت بالصواب وكانت هي سبب فقط بها باش حتى المواطن العادي يلا تعرض للتنمر او السب والشتم والتشهير فمواقع التواصل الاجتماعي يلتجأ للقانون ومياخدش حقه بيديه حيت القضاء المغربي موجود لخدمة المواطن ماشي عيب تشد لكلاستور وتمشي للمحكمة باش طالب بحقك العيب هو تنزل لمستوى ديالا هادوك اللي كيعايروك وتولي معاهم فالرد الخاوي حتى تجيب الربحة أو حيت سعيدة وجه إعلامي جاتكم عيب تمشي للمحكمة بلكلاستور كون كانت مواطنة عادية يعني ممسلطاش عليها الأضواء وماشي فنانة كون كلشي ساندتوها وقلتو كلنا سعيدة راه حتى حنا مواطنين والوطنية تجري فعروقنا وعندنا حق بحالنا بحالكم يلا آذانا شي واحد نستاعنو بالقضاء للي كيحمينا وكيحمي بلادنا من بعد الله سبحانه وتعالى”.
وختمت العروسي تدوينتها بالقول : “ياما قالو عليها صوتك خايب كتهرنطي ماشي ديال الغناء وعمرها قاضات شي حد حيت فالفن كلها ورأيو وكل فنان عندو جمهورو والستيل ديالو والساحة الفنية تسع للجميع راه كاين اللي معندوش كاع الصوت وعندو قاعدة جماهرية وساعة وأصبح من أغنياء الفنانين فالمشرق غي بشكلو أو ضحكتو وتعاملو الراقي مع الناس”.
