وضّح بلاغ لجماعة المضيق باللي اللجان التقنية المختصة مستامرّة الحملات التنظيمية ديالها باش تحارب الاستغلال العشوائي وغير القانوني لشواطئ المدينة.
وبيّن المصدر باللي اللجان التقنية المختصة، كمّلات كاع الأيام القليلة الفايتة، تدخلاتها الميدانية اللي كتهدف لمراقبة استغلال الشواطئ من طرف أصحاب الرخص الموسمية المتعلقة بكراء “البراصولات” والأنشطة الترفيهية على طول ساحل مدينة المضيق.
وحجزات اللجان المختصة، المكونة من السلطات المحلية والمصالح الجماعية ومدير الشواطئ زيادة على المصالح الأمنية والقوات المساعدة، مجموعة من “البراصولات” والكراسى والطاولات ومعدات الترفيه اللي ملتازمش مّاليها بمضمون التراخيص المعطية ليهم واللي كتنظمها بنود دفتر تحملات كيهمّ استغلال الشواطئ لمصالح تجارية وترفيهية.
كيفما رصدات هاد اللجان انتشار مظاهر غير مسؤولة من طرف بعض أصحاب التراخيص، واللي كانت موضوع مجموعة من الشكايات دفع بيها مواطنن ومواطنات وكاع اللي كيتوافد على الشواطئ.
ووضّح البلاغ باللي جماعة المضيق والسلطات المحلية كتجدد الحث الدائم ديالها والمستامرّ لردع جميع المظاهر العشوائية والاستغلال المفرط للشواطئ من طرف شي وحدين من مّالين التراخيص الموسمية، كيأكّد على التقدير الكبير لكاع المجهودات اللي كدّيرها لجان المراقبة بشكل مستامرّ، والإشادة بالدور اللي معمول بيه من طرف مديري الشواطئ التابعة لجماعة المضيق لجانب أعوان السلطة المحلية واللي هدفها الرئيسي، هو تنظيم استغلال الشواطئ والطمئنان على راحة الزوار والناس اللي مصيّفين.
كيفما طلبات جماعة المضيق من كاع صحاب التراخيص الموسمية الخاصة باستغلال الشواطئ لأغراض تجارية وترفيهية للالتزام بمضمون الرخصة والبلايص المحددة ليها من قبل، واللي كاينة في دفتر التحملات، كتشير غنتبدا فاليامات الجايّة بسحب الرخص اللي مملتازمينش صحابها بالمقتضيات التنظيمية.
وشجّعات جماعة المضيق جميع الشباب المستغلين بوجوب المساهمة في تدبير الموسم الصيفي والعمل على إعطاء صورة جميلة ومشرفة على المضيق اللي كتعتابر وجهة سياحية فريدة من نوعها على الصعيدالوطني.
