كيستعد المخرج المغربي علي الطاهري باش يعرض الشريط السينمائي ديالو الجديد “هوليود سمايل” في القاعات السينمائية المغربية،و هدشي ابتداء من السادس من شهر شتنبر المقبل، بعدما انتهى طاقم العمل من تصوير المشاهد ديال الفيلم في شهر رمضان لي فات.
و كيحكي الفيلم السينمائي الكوميدي الجديد “هوليود سمايل”، قصة صانع أسنان لي عندو دخل متوسط و لي كيطمح باش يغير من الوضع الاجتماعي ديالو، فيحاول باش يقنع الصديقة ديالو لي كتخدم كمزينة العرائس بشراء غشاء فم ذهبي في المقابل أن تعطيه السيارة الفاخرة ديالها ليموزين. ولسوء حظه، فجأة تفارق صديقته الحياة وغيفقد معاها السيارة وطقم الأسنان الذهبي، و من هنا غادي يبدا المسلسل من جديد من المغامرات والأحداث بين نجوم العمل.
وعبر رفيق بوبكر، اللي كيقود بطولة العمل، على السعادة ديالو البالغة بخروج هذا الفيلم الكوميدي اللي كيوصفو بالاستثنائي في هذا التوقيت، حيت عندو وقع كبير عليه، خصوصا أنهو لعب فيه دور كوميدي و بشكل مختالف على الأدوار السابقة، و أضاف على أنهو قدم فيه كل ما لديه وبدع في الأداء ديال المشاهد ديالو، و كيأكد على أنه “فيلم عائلي بامتياز”.
وقال إن “هوليود سمايل عمل كوميدي هزلي محض موجه لكل العائلة، يضم الكثير من المواقف سيتم من خلاله اكتشاف مواهب ووجوه فنية جديدة”. كما من المرتقب أنه غيتم عرضه في مجموعة من الدول العربية.
وإلى جانب رفيق بوبكر، غيشارك في هذا الشريط الجديد مجموعة من نجوم الساحة الفنية ونجوم مواقع التواصل الاجتماعي،و اللي هوما سكينة درابيل ورجاء لطيفين وشهرزاد بطمة وهناء لمريني وطارق الخالدي وحياة عبي ونوفل بنموسى ونبيل لطرش.