علن فريق اتحاد طنجة لكرة القدم، صباح اليوم الجمعة، فحسابو الرسمي على خبر تجديد عقد لاعبو محسن متولي، بلا ميدخلو فتفاصيل العقد الجديد، وهاكدا غيكون محسن متولي حاضر مع الفريق، فالموسم الرياضي 2023-2024.
ولبس “المايسترو”، “التوني” ديال فريق اتحاد طنجة، فماتشات إياب الموسم الرياضي الفايت، وكان عاون الفرقة فالتشبث بمكانتها فالبطولة الاحترافية إنوي 1 بعدما كانت هي اللولة مهدّدة بالهبوط.
كيفما وقع فريق اتحاد طنجة لمجموعة من اللاعبين، وكيجي فالمقدمة ديالهم متوسط الميدان رضا الجعدي، جايّ من فريق الوداد الرياضي، والحارس غايا مرباح جايّ من فريق الرجاء الرياضي، بعد مدة إعارة دوّزها مع الفرقة.