توفات، الأحد، فاطمة الزهراء غزاوي، اللي تشهرات بلقب “فتاة القمر”، على منصات التواصل الاجتماعي، من بعد معاناة استمرات لوقت طويل مع المرض.
وكيفما بينات الصفحة الرسمية لفاطمة الزهراء، فالشهورة اللخرين، على تدهور الحالة الصحية ديالها، من بعد ما عانات مع فقر الدم الحاد.
وعانات فاطمة الزهراء، اللي كان فعمرها 31 عام وهي على قيد الحياة ، من مرض نادر معروف باسم “جفاف الجلد المصطبغ” ولا “إكس بي”.
إلا أن “إكس بي” كيحرم مرضاه من أنهم يتمتعو بأشعة الشمس، مع العلم أن هاد الحاجة كتشكل خطورة على حياتهم، وكتخليهم معرضين للإصابة بسرطان الجلد.
وتشهرات فاطمة الزهراء بوقوفها دفاعا على قضية “أطفال القمر”، بحيث كانت كتبارطاجي معاناتهم اليومية، كيفما كتصيفط ميساجات عامرة بالأمل والتفاؤل.
وخلى رحيل فاطمة الزهراء، طابع حزن كبير وسط متابعيها على مواقع التواصل الاجتماعي، اللي بدروهم عبرو على مواساتهم وتعازيهم للأسرة ديالها بمدينة المحمدية.