مات عالم الحاسوب الأمريكي جون إدوارد وارنوك اللي اخترع نسق الملفات “بي دي إف”، وساهم فتأسيس نظام “أدوبي سيستمز”، عن عمر ناهز 82 عام.
وخرّجات شركة أدوبي بيان مفاده، “رائد الأعمال في وادي السيليكون وعالم الحاسوب توفى السبت وعائلتو دايرة بيه”.
ونقلت “سكاي نيوز” عن “أدوبي” قولها ” تألق جون واختراعاتو خلاّو بصمة مكتّمحاش على (شركة) أدوبي وصناعة التكنولوجيا والعالم”.وكان خدم وارنوك بشركة “زيروكس” قبل ما يطلّع هو وصاحبو فالخدمة تشارلز غيشكه شركة لتنفيذ فكرة كانت كتلقى الرّفض في عام 1982.
وبعد ما يقارب العقد، طرح وارنوك نسخة مبكرة من نسق الملف القابل للنقل ولا“بي دف إف” باش يبدّل طريقة تبادل المستندات.
وكترجع أصول الرجل لضاحية هولادي في مدينة سولت ليك، وكان وصف راسو بأنه “كان طالب عادي متوسط المستوى اللي بانت قدراتو العقلية فالماط (الرياضيات) من بعد”.
وخذا درجة البكالوريوس فالماط ودكتوراه فالهندسة الكهربائية وعلوم الحاسوب من جامعة يوتاه.
وكان ولد لمحامي محلي عندو الوزن ديالو، ولكن هو كان طالب متوسط الإمكانيات، حتال الوقت اللي عطاه واحد من معلمي مدرسة أوليمبوس الثانوية اهتمام، كيفما قال لمجلة خريجي جامعة يوتاه “كونتينيوم” عام 2013.