مرة أخرى الإجرام بغطاء الرياضة ميرجع لمباريات البطولة المغربية، ومن بعد ما كانت أحداث إجرامية في المباراة ديال الجولة الأولى فالكلاس ديال نهضة بركان ومولودية وجدة، اليوم كنشوفو معركة بين الجماهير من بعد مباراة الرجاء والجيش الملكي ،خارج مركب محمد الخامس بأحد الشوارع القريبة ليه.
فيديو منتشر على نطاق واسع كيوضح كلشي معركة بين مراهقين بالعصي والحجر وتطاحنات كأننا في حرب أهلية، والفيديو كيوثق لأحد الأشخاص لي دربوه بححرة وفقد الوعي ديالو ومازال بقاو كيرفصو فيه وكيضربوه بالعصي.
واش هاد الأحداث مازال غادي نسميوها الشغب الرياضي، هاد الأفعال فهيا كتدخل فنطاق الجرم وخاص يتعاقبو أصحابها بأشد العقوبات.
دابة راه الكاميرات موثقة الأحداث وهذا دور ديال المسؤولين الأمنيين باش يتدخلو ويحدو من هاذ الظواهر الي كتكون فالملاعب الرياضية وأصبحت تشكل خطرا كبيرا على المجتمع.
