تمكنات عناصر فرقة محاربة العصابات بولاية أمن مكناس، لبارح السبت، من توقيف شقيقين كيبلغو من العمر 35 و26 سنة، و هدشي بسباب الاشتباه في التورط ديالهم في حيازة وبيع مواد كحولية مضرة بالصحة العامة ولي تسببات في وفاة واحد من لي استعملوها.
بحسب مصدر أمني،كانت مصالح الشرطة بمدينة مكناس، فتحات بحث قضائي على خلفية تسجيل وفاة شخص وإصابة آخر بتسمم بسباب استهلاكهم لمادة كحولية كيشتبه في كونهما شراوها من محل كيبيع مواد البناء والعقاقير.
و كيضيف نفس المصدر على انه بدات الأبحاث والتحريات المنجزة في هذه القضية، لتوقيف المشتبه فيهما، في حين مكنت عملية التفتيش من حجز قنينات كتحتوي على مادة الكحول، و لي كيشتبه في أنها هي اللي تسببت في وفاة الضحية.
كيفما تم إخضاع المشتبه فيهما للبحث القضائي اللي كيجري تحت إشراف النيابة العامة المختصة، وهدشي باش يكشفو جميع ظروف وملابسات وخلفيات هاد القضية، وحتى باش يحددو العلاقة بين الوفاة المسجلة والمواد الكحولية المتناولة، اللي كيجري حاليا إخضاعها للخبرات العلمية والتقنية اللازمة.
