تفاعلت الفنانة مونية لمكيمل مع الحادث الذي وقع في اليوم الأول من امتحانات البكالوريا، حيث أقدمت فتاة من آسفي على الانتحار بعدما تم توقيفها من اجتياز الإختبار عقب ضبطها في حالة غش.
وكتبت لمكيمل على خاصية الستوري عبر حسابها الرسمي على موقع تبادل الصور والفيديوهات أنستغرام قائلة :” الله ينعل بوهاد الضغط د الامتحان لي غتزهق عليه أرواح متناحرا ایلاماجاش الباك فالدورة العادية يجي فالاستدراكية ولا يجي فالعام لي ورا …”.
وأضافت لمكيمل : “ايلا سقطتي لاقدر الله ماشي نهاية العالم، العام لي ورا ابدل مجهود كبر وتوكل على الله وغيجيب ربي التيسير، ماتشارجيوش وليداتكم بضغط هوما في غنى عنه راه السلامة النفسية ضروووورية، علاش حتى ولاو وليداتنا ك يلوحو را سهم للهلاك راه تمارة ديال بالصح كتجي ورا الباك”.
وواصلت المتحدثة : “اتفهم انه الفقر كيخلي الشباب كيتقاتل باش يشد الباك ويخدم ويعاون واليديه وانه ماشي كلشي قادر يزيد يقرا ورا الباك ولكن كيبقى غي ورقة ما خاصناش ننتاحرو على قبلها ولا على قبل أي حاجة فالدنيا راه لا تغني ولا تسمن من جوع في غياب فرص شغل بدليل كاين شباب مُعَطّل وهوما حاملي الإجازة والماستر والدكتوراه حيث الأرزاق بيد الله والأرواح خلقها الله وحنا علينا نبدلو مجهود فالقراية والخدمة والتوفيق كيجي غي من عند الله”.