بعد ما عرفات المدن الفرنسية انتشار كبير لحشرة كتسمى بالبق قام النائب البرلماني محمد التويمي بنجلون،بتوجيه سؤالاً شفوي، لوزير الصحة والحماية الاجتماعية، بخصوص مدى إمكانية تسرب حشرة البق اللي منتشرة بشكل كبير في فرنسا إلى بلادنا، و كذلك على الأثر ديالها على الصحة العامة.
كيفما كيشير كذلك النائب البرلماني على أنهو كاين عدد واسع من المدن الفرنسية اللي كتعرف انتشار هاد الـحشرة المصاصة للدماء، واللي خطيرة على الصحة العامة في أزيد من 1.5 مليون مسكن داخل تراب فرنسا، و زيادة على أنها كاينا داخل عدد من المنشآت الحيوية، و حتى في دور السينما والمسارح العمومية ومحطات القطار ميترو الأنفاق إلى جانب عدد من المؤسسات العامة والخاصة، و هدشي لي خلى المواطنين و السياح اللي كاينين في فرنسا في حالة خوف.
علاوة على هدشي ف كيأكد التويمي على إلزامية الاشتغال على تنفيذ بروتوكول صحي استباقي و اللي يتطبق على جميع الناس لي جايين من فرنسا للمغرب، و كذلك گاع البضائع و السلع التجارية الي جاية من فرنسا، و هدشي تحسبا للارتباط لي كيجمع المملكة المغربية و فرنسا عن طريق عدد من المداخل الحدودية البحرية والجوية، وعبر شبكة الموانئ والمطارات أيضا
و في هاد الخصوص ، قام التويمي بتوجيه تساؤل للوزير، و الي كيخص التدابير العملية والآنية المزعم القيام بها ؟ و كذلك البرتوكول الصحي لي من الواجب اتباعه لتفادي تسرب هذه الحشرة إلى التراب الوطني؟.