المشاكل لي كتعرفها البطولة المغربية خلات فوزي لقجع يتخذ قرارات لي غادي تكون مهمة وخاصة في الجانب ديال التحكيم.
وحسب المصادر ديالنا، فوزي لقجع غادي يحيد ريوسا كبار من مديرية التحكيم، منهم المدير ديال هاد المديرية لي هو يحيى حدقة، لي حكمها بزاف ديال السنوات، وغادي يتبعو جمال الكعواشي لي غادي ينقص من الصلاحيات ديالو، حيث هاد الشخص عندو بزاف ديال المسؤوليات، وما يمكنش يوفق بناتهم، راه مسؤول عن العصبة الوطنية للهواة، وعصبة الشرق، ومدير بأكاديمية السعيدية، ورئيس لجنة التحكيم.
وختمت المصادر ديالنا، أن فوزي لقجع رجع البارح من كيغالي الرواندية، ومباشرة بدا كيدير الاستشارات ديالو، وباغي يعرف أشنو واقع، وعلاش المشاكل كثرات هاد الأشهر الأخيرة، قالوقت لي كان خاص كرة القدم الوطنية تعيش في هدوء بفضل الإنجاز ديال المنتخب المغربي فقطر.
