بعد ما اعلن رئيس الجامعة على اجتماع للمكتب المديري مباشرة بعد ما رجع من كيغالي بعض أعضاء الجامعة مخلوعين من هاد الاجتماع.
مصادر فلاش راديو، كشفت أن أعضاء الجامعة لي فكرشهم العجينة بداو كيسولو على راسهم وكيخدمو التليفونات ديالهم، والسؤال لي كيطرحو واش فراسك شكون لي غادي يطير من المكتب المديري.
نفس المصادر أكدت أن التغيير كاين في المكتب المديري وغادي يكون جذري، وحتى مديرية التحكيم غادي يكون فيها تغييرات كبيرة، وبعض اللجان لي الأعضاء ديالها ما دايرينش الخدمة لي خاصها دار.
غدا المغاربة كاملين غادين يتسناو هاذ الاجتماع، وخاصة أشنو غادي يوقع في ملف التذاكر وشكوناهما الرؤوس لي غادين يطيحو.
