تمكنت عناصر الشرطة القضائية بأمن مولاي رشيد من توقيف ولد قاصر زايد في 2009، متورط في جريمة قتل شاب من مواليد 2005، وكيسكنو بجوجهم في نفس الدرب، لي هو حي المسيرة بمنطقة حي مولاي رشيد.
وقالت مصادر “فلاش راديو” أنالمشكل كان بسبب ترونتنيت، نشب بسببها نزاع بين المتهم والضحية، هاد الأخير كان وجه تصرفيقة للمتهم، وهاد الشي كان قبل الفطور، وفكوهم الناس وكل واحد مشا فطر فدارهم، لكن مورا الفطور الجاني استغل تواجد الضحية عند مول الحانوت باش يشري شامبوان، وسدد له ضربة بسلاح أبيض في العنق ديالو، ومات في السبيطار بعد ما داه الخال ديالو.
وتدخلت فرقة تابعة لأمن بن مسيك سيدي عتمان، بعد الإشعار ديالها بالحادث واعتقلت القاتل القاصر من دارهم، بعد إشعار نائب الوكيل العام بالمحكمة ديال الاستئناف بالدار البيضاء، لي عطا التعليمات ديالو بوضع المتهم تحت تدابير الحراسة النظرية، لمعرفة أسباب والظروف ديال هاد الجريمة.