مرة أخرى كيفكر مجلس مدينة الدار البيضاء وبالخصوص لجنة الرياضة لي كيترأسها عبد اللطيف الناصيري لي هو نائب عمدة الدار البيضاء، باش يخرجو ميزانية تقدر بواحد 100 مليون لإصلاح “المنطقة 6” بمركب محمد الخامس.
المصادر ديال “فلاش راديو” تستنكر الميزانية الكبيرة لي كتخرج جماعة الدار البيضاء من أجل إصلاح مركب محمد الخامس، وهاد المرة بغاو يديروها تحت غطاء صونارجيس، ولحد كتابة هاد الأسطر باقي حتى حاجة ما رسمية، وكازا إفنتس هيا لي باقة المسؤولة عن تسيير وتذبير مركب محمد الخامس.
وأكدت نفس المصادر ديالنا أن عضو بمجلس المدينة مشا عند فوزي لقجع باش يزكي ليهم تفويت تسيير “دونور” لشركة صونارجيس، لكنه رفض يدخل فهاد الموضوع، ومشاو باش ياخذو التزكية ديال شكيب بنموسى لي هو وزير التربية الوطنية والتعليم الأولي والرياضة.