علن النجم الإسباني الكبير أندريس إنييستا، اليوم الخميس، على مغادرتو لفريق فيسيل كوبي الياباني لكرة القدم.
وطاحو دموع إنييستا لحظة الإعلان عن مغادرتو لفيسيل كوبي؛ لكنو أكد أنه مكيخططش لاعتزال كرة القدم، وأنه غيبقى في الملاعب لمدة أخرى، بلا ما يحدد الوجهة المقبلة ديالو .
وتوج إنييستا، اللي فالعمر ديالو 39 عام، بلقب كأس العالم مع منتخب إسبانيا في 2010. كيفما حصد أربعة ألقاب في دوري أبطال أوروبا وتسعود ديال الألقاب في الدوري الإسباني مع برشلونة.
فاش تسأل على الوجهة المستقبلية ديالو، جاوب إنييستا “خاص نقول الحقيقة … معارفش”، وزاد ضاف: “بغيت نبقى نلعب، حاس براسي مازال عندي الجهد … لكن مع نهاية هاد الفاصل غنشوفو الخيارات المتاحة، بغيت نسالي مشواري الكروي وأنا كنشارك في الماتشات، فخور بزاف بهاد الخصوص”.
وحسب تقارير صحافية، من الممكن تكون الخطوة التالية لإنييستا في الشرق الأوسط؛ لكن دون الكشف عن تفاصيل.
ووضح اللاعب السابق للمنتخب الإسباني “إنه يوم مؤثر بزاف بعد أعوام عديدة، حاولت تقديم أفضل ما عندي داخل وخارج الملاعب، وفخور بزاف بداكشي ”.
ورحل إنييستا عن برشلونة في 2018 بعد أعوام طويلة، وانتاقل إلى فيسيل كوبي بعقد كيمتد لثلاثة أعوام، وزاد جدد عقدو لعامين مع الفريق الياباني. وأشارت تقارير إلى أن سبب رحيلو هو سعيه في اللعب لفترات أطول.
ومن المتوقع أن تكون المباراة اللخرة لإنييستا مع فيسيل كوبيفي الأول من يوليوز الدجلي ؛ بحيث كيتصدر النادي جدول ترتيب الدوري الياباني، بعد مرور 14 جولة.