تُلقي إدارة نادي الشباب السعودي برئاسة خالد البلطان، بظلالها من أجل التعاقد مع ألفارو موراتا مهاجم فريق أتلتيكو مدريد الإسباني، ، خلال “الميركاتو الصيفي” 2023.
وباقي غير موسم في عقد موراتا مع الفريق الإسباني ، واللي غيسالي في شهر 30 يونيو 2024، في حين كيحاولو مسؤولي الروخي بلانكوس لتجديد عقد مهاجم الفريق قبل ما يدخل في فترة النتقال الحر.
ودخلات إدارة نادي الشباب فالخط، بمفاوضات جدية مع موراتا، باش يعززو تركيبة الفريق صفوف الفريق خلال الموسم الجديد، وتألق الاعب الإسباني مؤخرا هو اللي خلاه محطة أنظار النادي السعودي.
وكيدخل فالمنافسة مع نادي الشباب بزاف ديال الأندية اللي عندها رغبة فالاستفادة من خدمات المهاجم الإسباني، منها ميلان ويوفنتوس الإيطاليين.
كيفما كيتعتابر مسار موراتا مول ال30 عام، جميل وحافل بالتجارب، واللي كانت محطاتو فالعديد من الأندية الأوروبية،ومنها كل من ناديي ريال وأتلتيكو مدريد،ولا ننسى تشيلسي الإنجليزي ويوفنتوس الإيطالي.
الجدير بالذكر أن فريق الشباب خرج خاوي الوفاض فالموسم الفايت بلا حصد حتى تتويج، وكان فشل فالتأهل لبطولة دوري أبطال آسيا الموسم الجديد، بعدما تمركز رابعا في دوري روشن السعودي.
