جاب التلميذ أنس أرفـاك بثانوية محمد البقالي التأهيلية أيت ملول، أعلى معدل للباكلوريا هاد الموسم بجهة سوس ماسة بمعدل 19،33 كمعدل عام و40, 19 فالامتحان الوطني للدورة العادية تخصص شعبة العلوم الاقتصادية.
وقال أنس، باللي “النتيجة المعلن عليها بمثابة ثمار لمجهود كبير وسهر الليالي طيلة الموسم بلا ما يستاعن بمراكز الدعم من ساعات إضافية وغيرها…”، وقال “الامتحان سبقاتو مجموعة من التحضيرات والمرتكزات الأساسية اللي خدمت عليها مع الأساتذة ديالي، بالإضافة للحضور القوي داخل القسم الدراسي، والتركيز أثناء الدرس ثم التوسع بعدها فالدروس خارج الفصل .”
وقال، باللي المجهود اللي بذلتو طيلة العام جا نتيجة لداكشي اللي تلقيتو من دعم ومساندة من طرف عائلتي وأساتذتي، وجميع أطر المؤسسة اللي كنحتارمهم وكنقدّرهم بزّاف .
وضاف، “حنا بحاجة لتكسير الصورة النمطية على المدرسة العمومية، وباللي القطاع الخاص مكيختالفش بزاف على القطاع العام، غير أن المهم والعنصر الأساس فالعملية اللي يمكن بفضلو تصنع التميز والفارق هو الأستاذ المجد والمبدع، وكيبقى الدور ديالو حاسما في تكوين تلاميذ متمكنين معرفياً ودراسياً”.